1st Day (March - 2012)
We reached at Miranshah (North Waziristan) before 4pm. it was a terrible journey from Peshawer to here. A lot of Security check, Have seen a lot of the people wearing heavy turban on there heads and I was just in shalwar qameez and a simple Sindhi topi. A team member of Team Ashiyana asked me to wear this as Waziri peoples not like someones into jeans and shirt etc.
From now I am writing my dairy into Roman Urdu as many of readers wants in it and it will easy for me to describe things in the real way.
Apne mhtram dost aur bhai Syed Adnan Ali Naqvi se aqeedat, muhabat ka kuch esa rishta hai ke aaj 10 bars guzr jane ke bawajood bhi is main koi kami nahi aye balke har waqt yeah barhta hi ja raha hai. Meri aur Adnan bhai ki dosti October 2005 ke zalzale ke bad Kashmir main hoi jabh main ne Friends of Adnan ko join kia, Uss time Adnan bhai Kashmir ke Earthquack victims ke liye dil o jan say kam kar rahe thay. Us time say aaj tak jabh jabh Adnan Bhai nai mujh ko awaz di main nai apni pori koshish kari kay unn kay sath khara rahon. kuch time main apni zati majboriun ke wajha say un ka sath nahi day paya jis ka buhat afsoos hai aur rahe ga.
Sindh main aye howe flood ke baad main nai Adnan bhai aur Team Ashiyana ko Sindh main akar kaam karne ke dawat di jo unhon nai mani aur sindh agae, jahan hum nai taqreeban 3 month flood victims ke liye mil kar kaam kia jo mere liye ek buht bara sabq aur tajurba tha jahan mujh ko barahe rast Adnan bhai kay sath mil bethne ka aur social work karne ka moukha hasil howa. Adnan bhai wapis Ashiyana camp Waziristan gae tu mujh ko wahan ane ke dawat di jo main ne foran mani aur jese hi bistar e alalat se utha Waziristan kay liye rawana ho gaya.
Peshawer main meri mulaqat Team Ashiyana ki active member Faryal baji say hoi aur dosre logon say hoi jin kay sath main nain wahan kuch saman pack karwaya aur Waziristan jane kay liye rawana howa.
Peshawar to Miranshah:
Peshawer say hum subha fajr ki namaz parh kar rawana howe, hum ek old type Corolla main thai aur ek Sheroz truck per Team Ashiyana ka imdadi saman tha. dono gariyan jabh tak Peshawar city ke sarkon main rahi har taraf zindagi aur mouj masti kay asar nazr atai rahe lekin jese hi gari city say bahar nikli ek dam ajib mahol ho gaya. mere dmagh main Waziristan ko lay kar ajib ajib batain ane lagi, sab say ziada khoof aur dar Drone attack ka tha jo achanak bagair kisi warning ke ho jate hain. ek anjana sa khoof. main dil hi dil main darood parhte aur jo jo dua yad thi parhta raha aur ALLAH say dua karta raha ka mera yeah safr sath kheriyat ke guzr jae.
Hum jese hi Mashoor FATA ke areas main dakhil howe manzr hi badla howa tha, har guzrne wala shaqs humari gari ko ese dekh raha tha ke jese hm kisi aur dunya ki makhloof hon, chehroon pe lambi lambi dariyan, sar par bari bari pagriyan, shalwar takhnon say onchi. un ko dekh kar main nay bhi apne sar par ek topi saja li jo main karachi say apne sath laya tha. sath hi anjane main khudh hi apni shalwar takhnon say oper balke kafi oper kar dali. meri yeah harkat dekh kar Faryal baji jo kai full burqa main thi aur pichli seat par bethi thi ki ankhon main ek chamak aye aur mujh ko yaqeen hai kay woh muskura rahi hongi.
Jese tese kar kay ek lamba aur thaka dene wala safr mukamil howa. Humare sath nikla howa Sheroz truck raste main janae kahan tha hum pehle hi puhanch gae thay, Miranshah, Ek afsanwi kahani jesa tabah hal city, North Waziristan ka markazi city, balke main tou town hi kahon gaa. sham ho chuki thi. raste ka safr ki wajha say buht thakan thi. phir ek anjana sa khoof ka agr pak agencies say bach gae tu kahin taliban type logon ke hathon main na charh jain aur agr un say bhi bac gaye tu kahin Drone. ALLAH maaf kare, aaj ka safr meri zindagi ke har safr say ziada khtrnak aur dara dene wala tha. Mout ka khoof esa hota hai pehli dafa ehsas howa.
Miranshah ke ek muhalle main team ashiyana ke log moujood thay jo buhat be sabri say humara intizar kar rahe thay sath hi kuch muqami log bhi moujood thay jin ko humari amad ka pata tha aur kiun kay yeah mera pehla safr tha tu mere liye aur bhi ziada intizar tha. Main nai gari say utar kar sabh say hath milaya. koshish kari ke salam pora karon balke sath kuch aur bhi dua parh lon mgr Adnan bhai ke muskurane par main nai sirf salam karne par hi guzara kia. Karachi main ek haidse ke natije main meri ek tang toot gae thi jis ka operation howa tha aur mujh ko ek lakdi ka sahara le kar chalana parh raha tha tu Adnan bhai nai mere liye ek chair manfgwai jahan main betha. Mujh ko yea sach kehne main koi sharam nahi kay main buhat bori tarhan dara howa tha aur sehma howa tha. raste main hum 2 jagha khane ke liye ruke magr mujh say sirf pani ke aur kuch nahi khaya gaya.
Sham ke lag bhag 4-5 ka tym hoga, sardi ka ehsas ho raha tha, ya shayad dar aur khoof ki wajha say mujh ko lag rahi hogi. Magr bhook bhi lag rahi thi. aur neend bhi arahi thi. Mgar Adnan bhai ne foran hukam day dala ka Mansoor bhai aap pehle naha lain phir namaz ada karte hain aur us ke bad kuch mukhami logon say mulaqat karni hai fir mil kar khana khate hain aur sone ke tayari. yea sun kar tu meri oper ki sans oper aur neche ke neche hi reh gae, main tu abh sirf khana kha kar aram hi kar sakta tha baqi sabh karne ke himat bilkul nahi thi. han shower lene ka idea acha tha. main nai sar hialaya tu mujh ko andar ek kamre main bhej diya jahan bathroom ke nam par ek kamra tha jahan 2 bare bartanon main pani bhara rakha tha jo thoda grm tha. main nai nahaya aur kapre tabdil kar kay bahar agaya. abh tu bhook aur lag rahi thi aur neend bhi.
main nai himat kar kai faryal baji say keh dia ka baji mujh ko zoor ki bhook lagi hai aur aaj main kuch karne ke position main nahi hon tu unhon nai buht shafqat say mere sar par hath phera aur kaha "beta aap khana khao aur aram karo" wese bhi yahan log khud ajate hain agr koi aya tu main keh don gi ka aap aram kar rahe ho, kal mil lena.
Adnan bhai ko jabh lm howa tu unhon nai mere liye foran khane ka intizam kia aur fir hum log jo hum sath aye thay Peshawer say sabh nain mil kar sath hi khana khaya. Khana nihayat sada tha mgr laziz, chane ki dal aur sath allo ki bhujya aur Pathano wali bari bari rotiyan aur chawal. bus masale thoda kam thy baqi sabh laziz tha. Apne pait ki dozakh ko bujhane ke bad main nay ALLAH ka shukr ada kia aur edr udhr dekhne laga tu Adnan bhai ke pas hi bethe ek Waziri buzrg ki awaz aye. jo mix urdu aur pashto main tha k namaz parhe bagair sona Shetan ke sath sone jesa hai. "Yad rahe kay main namaz ka paband nahi" main nai jabran muskura kar dekha aur wazu karne k liye khara howa. mere sath aur bi log wazu karne lage. buzrg Amir ullah nai namaz ada karai Magrib ki namaz qaza ho gae thi meri woh bhi ada kari. abh sirf aur sirf neend arahi thi. Jse hi namaz say farig howa tu Adnan bhai say saf keh dia kai bhai mujh ko woh jaga batao jahan mujh ko sona hai. unhon nai ek taraf ishara kia jahan ek camp type laga howa tha us ke andr farshi bistr per mere sone ka intizam tha. main jitni tezi say tent kay andar sone gaya uss say kahin ziada tezi say bahar nikla. aur ek dafa fir Adnan bhai kay samne akar khara ho gaya aur kaha, "Adnan yar, yeah tum mujh ko kahan sone ko keh rahe ho, yahan tu Drone ese atai hain jese karachi main sarak par Dog gomte hain ya humare gharon main Cats yani billian bagair kisi ijazat ke shan say ati hain aur jati hain hain." Meri iss bat kar sabh nai hansna shuru kar dia, main sharma kar ek taraf ho gaya. meri bat ko isi ne serious nahi liya tha. sach bat hai kai mujh ko khoof lag raha tha ka kahin etna khoof tu mujh ko Karachi main howe accident ke tym par bhi nahi aya tha.
Mujh ko kuch muqami logon nai himat dilai k bhai mansoor, agr mout ko ana hwa tu kahi bhi aur kese bhi ajati hai. aap ALLAH ka nam lu aur su jao aur agr koi esi wesi bat hoi tu hum yahan hain, aap ko har mumkin hifazat karne ki yaqeen dihani karate hain.
Main ek dafa fir tent numa karme main gaya, neend tu buht thi mgr anjana khoof. Marna har kisi ko hai mgr esi mout jis main nam nishan na ho say khoof ata hai.
Abh tent numa kamre main akar, laltain main baith kar jaldi jaldi dairy likh raha hon. Raste main bus security wale buht thay jaga jaga checking, sach bat hai kai ek aam pakistani ka ess elaqe main ana asan bat nahi. Esa lag raha tha kai jese main koi taliban hon ya koi aur, jo pakistan ki sar zameen par ghus aya hai. esi talashi aur khofnak nigahain ke ALLAH bachai. mujh ko har mukham par ammi buht yad aye, pata nahi kiun.
Abh neend arahi hai aur sona bhi chahiye kiun ke hukam azan par uthna bhi hai. bahar bhi sanata hota ja raha hai. jane subh kia hoga.
Shab bakher, Zindagi nai wafa kari tu kal dairy likhon ga, Insha ALLAH.
We reached at Miranshah (North Waziristan) before 4pm. it was a terrible journey from Peshawer to here. A lot of Security check, Have seen a lot of the people wearing heavy turban on there heads and I was just in shalwar qameez and a simple Sindhi topi. A team member of Team Ashiyana asked me to wear this as Waziri peoples not like someones into jeans and shirt etc.
From now I am writing my dairy into Roman Urdu as many of readers wants in it and it will easy for me to describe things in the real way.
Apne mhtram dost aur bhai Syed Adnan Ali Naqvi se aqeedat, muhabat ka kuch esa rishta hai ke aaj 10 bars guzr jane ke bawajood bhi is main koi kami nahi aye balke har waqt yeah barhta hi ja raha hai. Meri aur Adnan bhai ki dosti October 2005 ke zalzale ke bad Kashmir main hoi jabh main ne Friends of Adnan ko join kia, Uss time Adnan bhai Kashmir ke Earthquack victims ke liye dil o jan say kam kar rahe thay. Us time say aaj tak jabh jabh Adnan Bhai nai mujh ko awaz di main nai apni pori koshish kari kay unn kay sath khara rahon. kuch time main apni zati majboriun ke wajha say un ka sath nahi day paya jis ka buhat afsoos hai aur rahe ga.
Sindh main aye howe flood ke baad main nai Adnan bhai aur Team Ashiyana ko Sindh main akar kaam karne ke dawat di jo unhon nai mani aur sindh agae, jahan hum nai taqreeban 3 month flood victims ke liye mil kar kaam kia jo mere liye ek buht bara sabq aur tajurba tha jahan mujh ko barahe rast Adnan bhai kay sath mil bethne ka aur social work karne ka moukha hasil howa. Adnan bhai wapis Ashiyana camp Waziristan gae tu mujh ko wahan ane ke dawat di jo main ne foran mani aur jese hi bistar e alalat se utha Waziristan kay liye rawana ho gaya.
Peshawer main meri mulaqat Team Ashiyana ki active member Faryal baji say hoi aur dosre logon say hoi jin kay sath main nain wahan kuch saman pack karwaya aur Waziristan jane kay liye rawana howa.
Peshawar to Miranshah:
Peshawer say hum subha fajr ki namaz parh kar rawana howe, hum ek old type Corolla main thai aur ek Sheroz truck per Team Ashiyana ka imdadi saman tha. dono gariyan jabh tak Peshawar city ke sarkon main rahi har taraf zindagi aur mouj masti kay asar nazr atai rahe lekin jese hi gari city say bahar nikli ek dam ajib mahol ho gaya. mere dmagh main Waziristan ko lay kar ajib ajib batain ane lagi, sab say ziada khoof aur dar Drone attack ka tha jo achanak bagair kisi warning ke ho jate hain. ek anjana sa khoof. main dil hi dil main darood parhte aur jo jo dua yad thi parhta raha aur ALLAH say dua karta raha ka mera yeah safr sath kheriyat ke guzr jae.
Hum jese hi Mashoor FATA ke areas main dakhil howe manzr hi badla howa tha, har guzrne wala shaqs humari gari ko ese dekh raha tha ke jese hm kisi aur dunya ki makhloof hon, chehroon pe lambi lambi dariyan, sar par bari bari pagriyan, shalwar takhnon say onchi. un ko dekh kar main nay bhi apne sar par ek topi saja li jo main karachi say apne sath laya tha. sath hi anjane main khudh hi apni shalwar takhnon say oper balke kafi oper kar dali. meri yeah harkat dekh kar Faryal baji jo kai full burqa main thi aur pichli seat par bethi thi ki ankhon main ek chamak aye aur mujh ko yaqeen hai kay woh muskura rahi hongi.
Jese tese kar kay ek lamba aur thaka dene wala safr mukamil howa. Humare sath nikla howa Sheroz truck raste main janae kahan tha hum pehle hi puhanch gae thay, Miranshah, Ek afsanwi kahani jesa tabah hal city, North Waziristan ka markazi city, balke main tou town hi kahon gaa. sham ho chuki thi. raste ka safr ki wajha say buht thakan thi. phir ek anjana sa khoof ka agr pak agencies say bach gae tu kahin taliban type logon ke hathon main na charh jain aur agr un say bhi bac gaye tu kahin Drone. ALLAH maaf kare, aaj ka safr meri zindagi ke har safr say ziada khtrnak aur dara dene wala tha. Mout ka khoof esa hota hai pehli dafa ehsas howa.
Miranshah ke ek muhalle main team ashiyana ke log moujood thay jo buhat be sabri say humara intizar kar rahe thay sath hi kuch muqami log bhi moujood thay jin ko humari amad ka pata tha aur kiun kay yeah mera pehla safr tha tu mere liye aur bhi ziada intizar tha. Main nai gari say utar kar sabh say hath milaya. koshish kari ke salam pora karon balke sath kuch aur bhi dua parh lon mgr Adnan bhai ke muskurane par main nai sirf salam karne par hi guzara kia. Karachi main ek haidse ke natije main meri ek tang toot gae thi jis ka operation howa tha aur mujh ko ek lakdi ka sahara le kar chalana parh raha tha tu Adnan bhai nai mere liye ek chair manfgwai jahan main betha. Mujh ko yea sach kehne main koi sharam nahi kay main buhat bori tarhan dara howa tha aur sehma howa tha. raste main hum 2 jagha khane ke liye ruke magr mujh say sirf pani ke aur kuch nahi khaya gaya.
Sham ke lag bhag 4-5 ka tym hoga, sardi ka ehsas ho raha tha, ya shayad dar aur khoof ki wajha say mujh ko lag rahi hogi. Magr bhook bhi lag rahi thi. aur neend bhi arahi thi. Mgar Adnan bhai ne foran hukam day dala ka Mansoor bhai aap pehle naha lain phir namaz ada karte hain aur us ke bad kuch mukhami logon say mulaqat karni hai fir mil kar khana khate hain aur sone ke tayari. yea sun kar tu meri oper ki sans oper aur neche ke neche hi reh gae, main tu abh sirf khana kha kar aram hi kar sakta tha baqi sabh karne ke himat bilkul nahi thi. han shower lene ka idea acha tha. main nai sar hialaya tu mujh ko andar ek kamre main bhej diya jahan bathroom ke nam par ek kamra tha jahan 2 bare bartanon main pani bhara rakha tha jo thoda grm tha. main nai nahaya aur kapre tabdil kar kay bahar agaya. abh tu bhook aur lag rahi thi aur neend bhi.
main nai himat kar kai faryal baji say keh dia ka baji mujh ko zoor ki bhook lagi hai aur aaj main kuch karne ke position main nahi hon tu unhon nai buht shafqat say mere sar par hath phera aur kaha "beta aap khana khao aur aram karo" wese bhi yahan log khud ajate hain agr koi aya tu main keh don gi ka aap aram kar rahe ho, kal mil lena.
Adnan bhai ko jabh lm howa tu unhon nai mere liye foran khane ka intizam kia aur fir hum log jo hum sath aye thay Peshawer say sabh nain mil kar sath hi khana khaya. Khana nihayat sada tha mgr laziz, chane ki dal aur sath allo ki bhujya aur Pathano wali bari bari rotiyan aur chawal. bus masale thoda kam thy baqi sabh laziz tha. Apne pait ki dozakh ko bujhane ke bad main nay ALLAH ka shukr ada kia aur edr udhr dekhne laga tu Adnan bhai ke pas hi bethe ek Waziri buzrg ki awaz aye. jo mix urdu aur pashto main tha k namaz parhe bagair sona Shetan ke sath sone jesa hai. "Yad rahe kay main namaz ka paband nahi" main nai jabran muskura kar dekha aur wazu karne k liye khara howa. mere sath aur bi log wazu karne lage. buzrg Amir ullah nai namaz ada karai Magrib ki namaz qaza ho gae thi meri woh bhi ada kari. abh sirf aur sirf neend arahi thi. Jse hi namaz say farig howa tu Adnan bhai say saf keh dia kai bhai mujh ko woh jaga batao jahan mujh ko sona hai. unhon nai ek taraf ishara kia jahan ek camp type laga howa tha us ke andr farshi bistr per mere sone ka intizam tha. main jitni tezi say tent kay andar sone gaya uss say kahin ziada tezi say bahar nikla. aur ek dafa fir Adnan bhai kay samne akar khara ho gaya aur kaha, "Adnan yar, yeah tum mujh ko kahan sone ko keh rahe ho, yahan tu Drone ese atai hain jese karachi main sarak par Dog gomte hain ya humare gharon main Cats yani billian bagair kisi ijazat ke shan say ati hain aur jati hain hain." Meri iss bat kar sabh nai hansna shuru kar dia, main sharma kar ek taraf ho gaya. meri bat ko isi ne serious nahi liya tha. sach bat hai kai mujh ko khoof lag raha tha ka kahin etna khoof tu mujh ko Karachi main howe accident ke tym par bhi nahi aya tha.
Mujh ko kuch muqami logon nai himat dilai k bhai mansoor, agr mout ko ana hwa tu kahi bhi aur kese bhi ajati hai. aap ALLAH ka nam lu aur su jao aur agr koi esi wesi bat hoi tu hum yahan hain, aap ko har mumkin hifazat karne ki yaqeen dihani karate hain.
Main ek dafa fir tent numa karme main gaya, neend tu buht thi mgr anjana khoof. Marna har kisi ko hai mgr esi mout jis main nam nishan na ho say khoof ata hai.
Abh tent numa kamre main akar, laltain main baith kar jaldi jaldi dairy likh raha hon. Raste main bus security wale buht thay jaga jaga checking, sach bat hai kai ek aam pakistani ka ess elaqe main ana asan bat nahi. Esa lag raha tha kai jese main koi taliban hon ya koi aur, jo pakistan ki sar zameen par ghus aya hai. esi talashi aur khofnak nigahain ke ALLAH bachai. mujh ko har mukham par ammi buht yad aye, pata nahi kiun.
Abh neend arahi hai aur sona bhi chahiye kiun ke hukam azan par uthna bhi hai. bahar bhi sanata hota ja raha hai. jane subh kia hoga.
Shab bakher, Zindagi nai wafa kari tu kal dairy likhon ga, Insha ALLAH.
